ఈ నూతన సంవత్సరం సందర్భంగా, బాదం పిండి, రిచ్ డార్క్ చాక్లెట్, తాజా ఆరెంజ్ తొక్క తురుము, మేపుల్ సిరప్ల కలయికతో తయారు చేసే డార్క్ చాక్లెట్ బాదం ఆరెంజ్ కేక్తో మీ వేడుకలకు వెచ్చదనాన్ని, ఆనందాన్ని జోడించండి. చెఫ్ కబితా సింగ్ ఎంతో ఆలోచించి రూపొందించిన ఈ వంటకం... పండుగ రుచులకు, ఆరోగ్యకరమైన బేకింగ్ విధానానికి మధ్య చక్కటి సమతుల్యతను పాటిస్తుంది.
నెయ్యి, గుడ్లు, బాదం పిండితో తయారుచేయడం వల్ల ఈ కేక్ మెత్తగా, తేమగా ఉంటుంది. ఇందులో చాక్లెట్, సిట్రస్ రుచులు అద్భుతంగా కలుస్తాయి. పోషకమైనదిగా, అదే సమయంలో ఆనందదాయకంగా ఉండే ఈ డెజర్ట్ సంవత్సరాంతపు వేడుకలకు సరిగ్గా సరిపోతుంది. ఇది తయారు చేయడం చాలా సులభం, అందరితో పంచుకోవడానికి సరైనది, పండుగ బేకింగ్కు ఒక ఆధునిక రూపం.
పండుగ సమయాల్లో ఆహారం గురించి తన అభిప్రాయాన్ని పంచుకుంటూ, మ్యాక్స్ హెల్త్కేర్ రీజినల్ హెడ్-డైటెటిక్స్, రితికా సమద్దార్ ఇలా అంటున్నారు. పండుగ ఆహారం అంటే అతిగా తినడం లేదా ఆరోగ్యాన్ని పణంగా పెట్టడం కాదు. కాలిఫోర్నియా బాదంలో ప్రోటీన్, ఫైబర్, మంచి కొవ్వులు, విటమిన్ ఇ, అవసరమైన ఖనిజాలు సహజంగానే ఉంటాయి. ఇవి పండుగ వంటకాలకు ఒక స్మార్ట్ అడిషన్. ఇవి గుండె ఆరోగ్యానికి మద్దతు ఇస్తాయి, నిరంతర శక్తిని ఇస్తాయి, కడుపు నిండిన భావనను కలిగిస్తాయి. పండుగ సీజన్లో ఎక్కువగా తినే అలవాటు ఉన్నప్పుడు ఇది చాలా ముఖ్యం. బేకింగ్లో బాదంను ఉపయోగించడం వల్ల, ప్రజలు సంపూర్ణ పోషణ, శ్రేయస్సుకు మద్దతు ఇస్తూనే పండుగ ఆహారాలను ఆస్వాదించవచ్చు.
రుచికరమైనది, ఓదార్పునిచ్చేది, వేడుకలకు తగినది... ఈ కేక్ పండుగ సీజన్కు సరైన డెజర్ట్. ఇది ఆనందాన్ని ఇస్తూనే సమతుల్యంగా ఉంటుంది. అందరూ మళ్లీ మళ్లీ అడిగి తినేలా ఉండే ఈ కేక్ను ఎలా తయారు చేయాలో ఇక్కడ చూడండి
డార్క్ చాక్లెట్ బాదం ఆరెంజ్ కేక్
తయారీ సమయం: 60 నిమిషాలు
వడ్డన: 8-అంగుళాల కేక్ (సుమారు 10 ముక్కలు)
కావలసిన పదార్థాలు:
బాదం పిండి- 2 కప్పులు (180 గ్రాములు)
గుడ్లు- 4 మధ్యస్థ పరిమాణం (196 గ్రాములు)
డార్క్ చాక్లెట్- 1/2 కప్పు (100 గ్రాములు)
మేపుల్ సిరప్- 1/2 కప్పు (113 మి.లీ)
నెయ్యి- 1/4 కప్పు (40 మి.లీ)
తాజా ఆరెంజ్ జెస్ట్ (నారింజ తొక్క తురుము)- 1 టేబుల్ స్పూన్ (4 గ్రాములు)
ఆరెంజ్ జ్యూస్- 1/4 కప్పు (47 మి.లీ)
వెనిల్లా ఎసెన్స్- 1 టీస్పూన్ (5 మి.లీ)
బేకింగ్ పౌడర్- 1 టీస్పూన్ (3.84 గ్రాములు)
ఉప్పు- ఒక చిటికెడు (0.1 గ్రాములు)
తయారీ విధానం:
1. ఒక గిన్నెలో బాదం పిండి, బేకింగ్ పౌడర్, ఉప్పు వేసి బాగా కలపాలి (పొడి మిశ్రమం).
2. మరొక గిన్నెలో గుడ్లను కొట్టాలి. అందులో మేపుల్ సిరప్, వెనిల్లా ఎసెన్స్, ఆరెంజ్ జ్యూస్ వేసి బాగా గిలకొట్టాలి (తడి మిశ్రమం).
3. డార్క్ చాక్లెట్ను కరిగించాలి (మైక్రోవేవ్లో లేదా డబుల్ బాయిలింగ్ పద్ధతిలో). అందులో ఆరెంజ్ జెస్ట్, నెయ్యి వేసి కలపాలి.
4. పొడి మిశ్రమం, తడి మిశ్రమం, కరిగించిన చాక్లెట్ మిశ్రమం అన్నింటినీ కలిపి, ఉండలు లేకుండా బాగా కలపాలి.
5. ఈ పిండి మిశ్రమాన్ని 8 అంగుళాల కేక్ టిన్ మౌల్డ్లో పోయాలి. గాలి బుడగలు పోయేలా టిన్ను నేలకేసి తట్టాలి.
6. ముందుగా వేడి చేసిన ఓవెన్లో 180 డిగ్రీల వద్ద 45 నిమిషాల పాటు బేక్ చేయాలి.
7. ఓవెన్ నుంచి బయటకు తీసి చల్లారనివ్వాలి. అంతే, రుచికరమైన డార్క్ చాక్లెట్ బాదం ఆరెంజ్ కేక్ సిద్ధం!
