అవినీతి ఆరోపణలను ఎదుర్కొంటున్న అంతర్జాతీయ ఫుట్ బాల్ సమాఖ్య సంఘం (ఫిఫా) అత్యున్నత స్థాయి అధికారులు ఆరుగురిని స్విట్జర్ల్యాండ్ అధికారులు బుధవారం ఉదయం అదుపులోకి తీసుకున్నారు. అనంతరం వారిని పోలీసులు అరెస్టు చేశారు. ఫిఫా ప్రధాన కార్యాలయం స్విట్జర్లాండ్ లోని జురిచ్ లో ఉంది.
జురిచ్ లో జరిగిన ఫిఫా వార్షిక సమావేశంలో పాల్గొనేందుకు కార్యవర్గ సభ్యలు వచ్చారు. అమెరికా న్యాయశాఖ విన్నపం మేరకు స్విస్ అధికారులు అకస్మాత్తుగా ఫిఫా అధికారులు బస చేసిన హోటల్ పై దాడిచేసి వారిని అదుపులోకి తీసుకున్నారు. గత రెండు దశాబ్దాలుగా ఫిఫాలో అవినీతి జరిగినట్టు ఆరోపణలు వచ్చాయి.
ప్రపంచ ఫుట్ కప్ ల నిర్వహణకు బిడ్లు, మార్కెటింగ్, ప్రసార హక్కుల ఒప్పందాలకు సంబంధించి ఫిఫా అధికారులు అవినీతికి పాల్పడినట్టు అభియోగాలు వచ్చాయి. అమెరికా విన్నపం మేరకు స్విస్ ఎన్ ఫోర్స్ మెంట్ అధికారులు ఈ కేసుపై దృష్టిసారించారు. కాగా ఫిఫా అధ్యక్షుడు సెప్ బ్లాటర్ పై అభియోగాలు నమోదు చేయకున్న అధికారులు ఆయనను విచారించనున్నారు.
