నేను కార్పొరేట్ కంపెనీలో పెద్దస్థాయి ఉద్యోగం చేస్తున్నాను. ఇటీవల ఓ పార్టీలో అనుకోని పరిస్థితుల్లో మద్యం సేవించాను. ఆ మత్తులోనే ఓ మహిళతో శృంగారంలో పాల్గొన్నాను. మరుసటి రోజు నుంచి నాలో నేనే కుమిలిపోతున్నాను. నేను ఇప్పటికే ఓ అమ్మాయిని ప్రేమిస్తున్నాను. ఆ అమ్మాయిని పెళ్లి కూడా చేసుకోబోతున్నాను. నిశ్చితార్థం కూడా జరిగిపోయింది. ఇలాంటి సమయంలో మరో స్త్రీతో శృంగారం గిల్టీగా ఉంది.
ఆమెతో శృంగారం చేసిన కారణంగా నాకేమైనా వ్యాధులు వచ్చే అవకాశం ఉందని భయంగా ఉంది. అందువల్ల హెల్త్ చెకప్ చేసి ఆ రిపోర్టులు నా ప్రేయసికి చూపించాలని అనుకుంటున్నా. అలా అయినా ఆమెకు చేసిన ద్రోహం పరిష్కార మార్గం అనుకుంటున్నా. ఇలా చేస్తే నా ప్రేయసిని మోసం చేసినట్లు కాదు కదా...!!
అనుకోకుండా శృంగారంలో పాల్గొనడం అనేది ఒక వంకతో చెప్పే మాటే. మీరు ఒకమ్మాయిని ప్రేమిస్తూనే మరో అమ్మాయితో ఇలా చేయడం తప్పు. ఇప్పుడు మీ హెల్త్ రిపోర్టులు చూపిస్తే మరో అమ్మాయితో చేసిన ఆ రిమార్కు పోతుందా...? ప్రేమికుల్లో పరస్పరం విశ్వాసం ఉండాలి. మరో స్త్రీతో పాల్గొన్న మీరు మీ ప్రేయసికి ఎన్ని హెల్త్ రిపోర్టులు చూపించినా తప్పు తప్పే. ఆమెకు నిజం చెప్పే దమ్ము మీవద్ద లేదు కాబట్టే ఇలా హెల్త్ రిపోర్టులు అంటున్నారు. నిజం చెప్పి చూడండి ఏం జరుగుతుందో...? పొరపాటున మరో అమ్మాయితో పాల్గొన్నానంటే ఆమె క్షమిస్తుందా...? జవాబు మీరే వెతుక్కోండి.
