ఉత్తర అమెరికా తెలుగు సంఘం ఆధ్వర్యంలో ప్రతి ఏటా ఇచ్చే ఉపకార వేతనాల కోసం దరఖాస్తులను ఆహ్వానిస్తున్నట్లు.. ఆ సంస్థ ఫౌండేషన్ ఛైర్మన్ డాక్టర్ ఈదర లోకేశ్వరరావు ప్రకటించారు.
ఈ విషయమై లోకేశ్వరరావు మాట్లాడుతూ... ఆంధ్ర రాష్ట్రానికి చెందిన ప్రతిభావంతులైన పేద విద్యార్థినీ విద్యార్థులు, అక్కడి నుంచే దరఖాస్తు చేయాలని కోరారు. అమెరికాలో మాస్టర్స్‌తో పాటు గ్రాడ్యుయేషన్ కోర్సు చేసేందుకు వచ్చే విద్యార్థులకు ఈ ఉపకార వేతనాలను అందజేస్తామని ఆయన వివరించారు.
అర్హత పొందిన 20 మంది విద్యార్థినీ విద్యార్థులను ఎంపిక చేసి వారికి రెండువేల డాలర్ల చొప్పున ఉపకార వేతనాన్ని ఈ విద్యా సంవత్సరంలో అందజేయనున్నట్లు లోకేశ్వరరావు వెల్లడించారు. అర్హతగల విద్యార్థులు వారి సర్టిఫికెట్ల డూప్లికేట్ కాపీలను తమకు అందించాల్సి ఉంటుందన్నారు. మరిన్ని వివరాల కోసం డబ్ల్యుడబ్ల్యుడబ్ల్యు.తానా.ఆర్గ్ అనే వెబ్‌సైట్‌ను సంప్రదించవచ్చునని లోకేశ్వరరావు సూచించారు.
