భారీ కేక్ తయారు చేసిన బెంగుళూరు వాసులు... గిన్నిస్ రికార్డు
పండగలు పార్టీలంటే మొదట గుర్తుకొచ్చేది కేక్. అలా అన్ని సందర్భాలలో ఉపయోగించే కేక్ మహా అయితే ఒకటి లేదా రెండు కిలోలుంటుంది. మరీ మించిపోతే పది కిలోల బరువు వరకు ఉంటుంది. అయితే వెయ్యి కిలోల బరువుండే కేక్‌‌న
పండగలు పార్టీలంటే మొదట గుర్తుకొచ్చేది కేక్. అలా అన్ని సందర్భాలలో ఉపయోగించే కేక్ మహా అయితే ఒకటి లేదా రెండు కిలోలుంటుంది. మరీ మించిపోతే పది కిలోల బరువు వరకు ఉంటుంది. అయితే వెయ్యి కిలోల బరువుండే కేక్‌‌ని ఎప్పుడైనా చూశారా... అవును ఇలాంటి కేక్ బెంగళూరులో తయారైంది. అదేనగరానికి చెందిన పూనం అంకుర్‌, డ్యానిష్‌ ఆలి, అర్చన, నిధి బాగ్రిలు దీన్నిరూపొందించారు.
బెంగళూర్‌లో తయారైన ఈ భారీ ''డర్ట్‌ ఫుడ్డింగ్‌ కేక్''ను అక్కడి పార్క్‌ హోటల్‌లో ప్రదర్శించారు. అంతేకాదు గిన్నిస్ రికార్డుల సంస్థకు చెందిన రిషినాథ్‌ దీన్ని అతిపెద్ద కేక్‌గా రికార్డుల్లో నమోదు చేసుకున్నారు. శనివారం రాత్రి 9.00 గంటలకు మొదలుపెట్టిన ఈ కేక్ ఆదివారం ఉదయం 9.00 గంటల సమయానికి పూర్తయిందని పూనం అంకుర్‌, డ్యానిష్‌ ఆలి, అర్చన, నిధి బాగ్రి తెలిపారు.
