ప్రధాని మోదీ కారణంగా చెడిపోయిన పెళ్లి... గుడిలో నుంచి ఎవరిదారిన వాళ్లెళ్లిపోయారు...
కొన్నేళ్లుగా ప్రేమించుకుంటూ గుడిలో పెళ్లి చేసుకుందామని కలుసుకున్న ప్రేమజంట కాస్తా నరేంద్ర మోదీ కారణంగా విడిపోయారు. పెళ్లి రద్దు చేసుకుని ఎవరిదారిన వాళ్లెళ్లిపోయారు. ఈ పెళ్లి చెడిపోవడానికి ప్రధానమంత్రి ప్రత్యక్ష కారణం కాదు కానీ పరోక్షంగా కారణమయ్యారు.
కొన్నేళ్లుగా ప్రేమించుకుంటూ గుడిలో పెళ్లి చేసుకుందామని కలుసుకున్న ప్రేమజంట కాస్తా నరేంద్ర మోదీ కారణంగా విడిపోయారు. పెళ్లి రద్దు చేసుకుని ఎవరిదారిన వాళ్లెళ్లిపోయారు. ఈ పెళ్లి చెడిపోవడానికి ప్రధానమంత్రి ప్రత్యక్ష కారణం కాదు కానీ పరోక్షంగా కారణమయ్యారు. వివరాల్లోకి వెళితే... ఉత్తరప్రదేశ్ రాష్ట్రంలో ఓ వ్యాపారికి ప్రభుత్వ ఉద్యోగం చేస్తున్న ఓ మహిళతో ప్రేమ కుదిరింది. ఈ ప్రేమని పెళ్లిగా మార్చుకోవాలని గుడికి వెళ్లారు.
పెళ్లి చేసుకునేముందు ఇద్దరిమధ్యా మాటామంతి చోటుచేసుకుంది. ముచ్చట్లు చెప్పుకుంటూ ఆర్థిక పరిస్థితి గురించి చర్చ మొదలుపెట్టారు. ఆర్థిక వ్యవస్థ గురించి మాట్లాడుతూ వుండగా అది కాస్తా నరేంద్ర మోదీపైకి వెళ్లింది. దీనితో ఒకరు నరేంద్ర మోదీ నిర్ణయాలను సపోర్ట్ చేయగా మరొకరు విభేదించారు. ఈ విషయంలో ఇద్దరి మధ్యా మాటామాటా పెరిగి చివరికి గొడవయ్యింది. దీనితో తమ అభిప్రాయాలు ఇప్పుడే కలవడంలేదు కనుక ఇక భవిష్యత్తులోనూ ఏమాత్రం కుదరదని ఇద్దరూ ఆ పెళ్లిని రద్దు చేసుకుని గుడి నుంచి వెళ్లిపోయారు.
