శశికళ ఎప్పుడైనా సీఎం బాధ్యతలు స్వీకరించవచ్చు.. 12 లేదా 18 తేదీల్లో..?: మైత్రేయన్

అన్నాడీఎంకే సారథి, దివంగత ముఖ్యమంత్రి నెచ్చెలి శశికళ సీఎం పగ్గాలు చేపట్టేందుకు రోజులు దగ్గరపడుతున్నట్లున్నాయి. శశికళ ఎప్పుడు కావాలంటే అప్పుడు సీఎం బాధ్యతలు స్వీకరించవచ్చునని పార్టీ ప్రతినిధి, ఎంపీ మైత

అన్నాడీఎంకే సారథి, దివంగత ముఖ్యమంత్రి నెచ్చెలి శశికళ సీఎం పగ్గాలు చేపట్టేందుకు రోజులు దగ్గరపడుతున్నట్లున్నాయి. శశికళ ఎప్పుడు కావాలంటే అప్పుడు సీఎం బాధ్యతలు స్వీకరించవచ్చునని పార్టీ ప్రతినిధి, ఎంపీ మైత్రేయన్ తెలిపారు. 

ఇండియాటుడే సౌత్ కాన్‌క్లేవ్‌లో సందర్భంగా మైత్రేయన్ మాట్లాడుతూ.. ఈ నెల 12 లేదా 18న శశికళ ముఖ్యమంత్రిగా బాధ్యతలు చేపట్టనున్నట్టు సమాచారం ఉందని పేర్కొన్నారు. ఏఐఏడీఎంకే సంప్రదాయం ప్రకారం... పార్టీ అధికారంలో ఉన్న ప్రతిసారి జనరల్ సెక్రటరీగా ఉన్నవారు ముఖ్యమంత్రిగా పనిచేస్తూ వచ్చారు. ఇదే తరహాలో శశికళ కూడా ముఖ్యమంత్రిగా బాధ్యతలు చేపట్టేందుకు సిద్ధమవుతున్నట్టు చెప్పుకొచ్చారు. 

ఇక ముఖ్యమంత్రి పీఠంపై ఎప్పుడు కూర్చుంటారన్నది చిన్నమ్మ (శశికళ) ఇష్టం. ఆమె ఎప్పుడు కావాలంటే అప్పుడు బాధ్యతలు చేపట్టవచ్చు. ఇందులో తాము చెప్పేందుకు ఏమీ లేదని మైత్రేయన్ వ్యాఖ్యానించారు.