సల్మాన్ ఖాన్ వ్యాఖ్యలు దారుణమన్న కంగనా రనౌత్: ముందునుంచి ఆయనంతేనన్న శివసేన!
బాలీవుడ్ కండల వీరుడు సల్మాన్ ఖాన్ తనను తాను అత్యాచారానికి గురైన మహిళతో పోల్చుకుంటూ చేసిన వ్యాఖ్యలను సెలెబ్రిటీలు తప్పుబడుతున్నారు. ఓ వైపు మహిళా సంఘాలు సల్మాన్ వ్యాఖ్యలను ఖండిస్తుంటే సల్మాన్ ఖాన్ 'రేప్
బాలీవుడ్ కండల వీరుడు సల్మాన్ ఖాన్ తనను తాను అత్యాచారానికి గురైన మహిళతో పోల్చుకుంటూ చేసిన వ్యాఖ్యలను సెలెబ్రిటీలు తప్పుబడుతున్నారు. ఓ వైపు మహిళా సంఘాలు సల్మాన్ వ్యాఖ్యలను ఖండిస్తుంటే సల్మాన్ ఖాన్ 'రేప్' వ్యాఖ్యలు' తనను బాధించాయని బాలీవుడ్ హీరోయిన్ కంగన రనౌత్ వెల్లడించింది. అలాంటి వ్యాఖ్యలు చేయడం దారుణమన్నారు. అలాగే ఇలాంటి విషయాల్లో పరస్పరం నిందించుకోవడం సబబు కాదని వెల్లడించింది.
ఎదుటివారి కంటే తామే గొప్ప అని చెప్పుకోవడం సరికాదని కంగనా రనౌత్ తెలిపారు. 'కృతి' షార్ట్ ఫిల్మ్కు సంబంధించి నిర్వహించిన ప్రెస్ కాన్ఫరెన్స్లో కంగనా రనౌత్ మాట్లాడుతూ... సల్మాన్ ఖాన్పై మండిపడ్డారు. సల్మాన్ చేసిన వ్యాఖ్యలతో సమాజానికి తలవంపేనని చెప్పుకొచ్చింది. ఈ వ్యాఖ్యలపై సమాజానికి సల్మాన్ క్షమాపణలు చెప్పాల్సిందేనని ఆమె డిమాండ్ చేసింది.
ఇదిలా ఉంటే సల్మాన్ ఖాన్ వ్యాఖ్యలపై శివసేన కూడా బుధవారం మండిపడింది. ఇంకా సల్మాన్ క్షమాపణలు చెప్పేంతవరకు దర్శకులు ఆయనతో సినిమాలు చేయకుండా బహిష్కరించాలని డిమాండ్ చేసింది. సల్మాన్ ఖాన్ లాంటి సెలెబ్రిటీని ఇంతవరకు చూసింది లేదని.. ముందునుంచే వినాశకర వ్యక్తిత్వాన్ని సల్మాన్ కలిగివున్నాడని శివసేన ఫైర్ అయ్యింది. జంతువులను కాల్చేయడం.. ఫుట్పాత్లపై నిద్రించేవారిపై కారును ఎక్కించడం వంటివి చేస్తున్న అతనిని ప్రజలింకా హీరోగా చూడటం దారుణమని శివసేన అధికార ప్రతినిధి మనీషా కయాండే మీడియాతో తెలిపారు.