మాయలు, మంత్రాలు, తంత్రాలు, నరబలులు తారా స్థాయిలోని మూఢ విశ్వాసం.. ఈ విశ్వాసానికి ఓ ఐదేళ్ళ బాలుడు బలయ్యాడు. అస్సాంలోని ఓ తేయాకు తోటలో బాలుడి తలను తెగనరికి విగ్రహారాధన చేసిన దుండగులు సంఘటన వెలుగులోకి వచ్చింది. అనుమానం ఉన్న వ్యక్తిని గ్రామస్తులు చితకబాదారు. వివరాలిలా ఉన్నాయి.
సోనిత్ పూర్ జిల్లాలోని ఓ తేయాకు తోటలో బుధవారం రాత్రి ఈ ఘటన చోటుచేసుకుంది. అదే గ్రామంలో ఓ బాలుడు కనిపించకుండా పోయాడు. అయితే తేయాకు తోటలో ఓ ఐదేళ్ల బాలుడి తలను నరికివేశారు. మొండెం నుంచి పూర్తిగా వేరు చేశారు. దీనిని గ్రామస్తులు గుర్తించారు. ఈ దారుణానికి పాల్పడినట్లుగా అనుమానించిన ఓ వ్యక్తిని గ్రామస్థులు చితక్కొట్టారు.
పోలీసులు దీనిపై స్పందిస్తూ ఘటన జరిగిన చోట కొన్ని విగ్రహాలు లభించాయని, దాని ప్రకారం తేయాకు తోటలో ఎవరో కావాలనే ఆ బాలుడిని నరబలి పేరిట హతమార్చి ఉండొచ్చని చెప్తున్నారు. బాలుడికి సంబంధించిన వారు తీవ్రంగా విలపిస్తున్నారు.
