అసెంబ్లీ ఎన్నికల్లో సంపూర్ణ మెజార్టీతో గెలుపొంది, ప్రభుత్వ పాలనా పగ్గాలను పట్టిన బీజేపీ పార్టీ ప్రపంచంలో అతిపెద్ద పార్టీగా అవతరించి వరల్డ్ రికార్డును సాధించింది. గత ఐదు నెలలుగా సభ్యత్వ నమోదు కార్యక్రమం చేపట్టిన బీజేపీకి 8.80 కోట్ల మంది సభ్యులున్నారు.
ఈ విషయాన్ని ఏప్రిల్ 3, 4 తేదీల్లో బెంగళూరులో జరిగే బీజేపీ జాతీయ కార్యవర్గ సమావేశంలో ఆ పార్టీ అధ్యక్షుడు అమిత్ షా అధికారికంగా ప్రకటనించనున్నారు.
కాగా ఇంతకు ముందు ప్రపంచంలో అతిపెద్ద పార్టీగా ఉన్నది కమ్యూనిస్ట్ పార్టీ ఆఫ్ చైనా రికార్డును బీజేపీ బ్రేక్ చేసింది. చైనా కమ్యూనిస్ట్ పార్టీకి 8.60 కోట్ల మంది సభ్యులుగా ఉన్నారు. ఆదివారం నాటికి బీజేపీ సభ్యత్వం 8.80 కోట్లకు చేరినట్టు ఆ పార్టీ వర్గాలు తెలిపాయి. బీజేపీ సభ్యత్వం 10 కోట్లకు చేరవచ్చని అంచనా వేస్తున్నారు.
