మధ్యప్రదేశ్ రాష్ట్రంలో భారీ వర్షాలు కురుస్తుండటంతో నదులు, వాగులు మహా ఉద్ధృతంగా ప్రవహిస్తున్నాయి. బేతుల్ పట్టణం సమీపంలో చిన్న చప్టా రోడ్డు మీద నుంచి ప్రవహిస్తున్న వాగు రోడ్డుకు కోత వేసేసింది. రోడ్డు కొద్దిగానే మిగిలింది. అయితే ఒక యువకుడు ఆ రోడ్డు మీద నుంచి ప్రవాహం మధ్యలోంచి బైక్‌ని నడిపించాలని ప్రయత్నించాడు.
తటపటాయిస్తూనే బైక్‌ని ముందుకు నడిపించాడు. అయితే అనుకోకుండా వాగును దాటడంలో అజాగ్రత్తగా వ్యవహరించడంతో ఆ యువకుడు బైక్‌తో సహా ప్రవాహంలో కొట్టుకుపోయాడు. ప్రవాహం చాలా వేగంగా ఉందని, ఆ ప్రవాహంలో కొట్టుకుపోయిన యువకుడు ఇక బతికే అవకాశం లేదని స్థానికులు అంటున్నారు.
నిజానికి నీటి ప్రవాహం అంత లోతుగా ఉన్నట్లు కనబడకపోయేసరికి బైకుపై అవతలికి వెళ్లేందుకు అతడు ప్రయత్నించాడు. అయితే, అతడు ఊహించని విధంగా ప్రవాహం మరింత వేగంగా రావడంతో బైకుతో సహా అతడు ప్రవాహంలోకి పడిపోయి కొట్టుకుపోయాడు. అందరూ చూస్తుండగానే అతడు నీటి ప్రవాహంలో కలిసిపోయాడు.
వీడియో కోసం ఇక్కడ క్లిక్ చేయండి
