కర్ణాటక రాష్ట్రం 59వ అవతరణ దినోత్సవాన్ని శనివారం ఘనంగా నిర్వహించారు. ఈ సందర్భంగా ఆ రాష్ట్ర రాజధాని బెంగళూర్‌ను బెంగళూరుగా మార్పు చేశారు. బెంగళూరుతో పాటు ఆ రాష్ట్రంలోని మరో 11 నగరాల పేర్లను అధికారికంగా మార్చారు.
'కర్ణాటక ప్రభుత్వం కన్నడ బాష ఉచ్ఛరణ ప్రకారం రాజధానితో పాటు మరో 11 నగరాల పేర్లను మార్చాలని నిర్ణయించింది. నవంబర్ 1 నుంచి అమల్లోకి వస్తాయి. స్థానిక భాష ప్రకారం పేర్లలో మార్పులు చేయడానికి కేంద్ర ప్రభుత్వం ఆమోదించింది' అని అధికారి ఒకరు చెప్పారు.
ఆ రాష్ట్రంలోని బెంగళూర్‌ను బెంగళూరుగాను, మైసూర్-మైసూరు, మంగళూర్-మంగళూరు, బెల్గాం-బెలగావి, హుబ్లి-హుబ్బళ్లి, గుల్బర్గా-కలబుర్గి, బీజాపూర్-విజయపుర, చిక్ మగళూర్-చిక్కమగళూరు, హోస్పేట్-హోస్పేట, షిమోగా-శివమొగ్గ, టుంకూర్-టుమకూరు,
బెళ్లారి-బళ్లారి గా మారుస్తూ రాష్ట్ర ప్రభుత్వం ఉత్తర్వులు జారీ చేసింది.
