కిడ్నాప్, హత్యకు పాల్పడి జైలుశిక్ష అనుభవిస్తున్న బాల నేరస్థుడు చాలా మర్యాదగా ప్రవర్తిస్తున్నాడని భావించి ముందస్తుగా విడుదల చేస్తే... తన ప్రియురాలితో కలిసి మరో 13 యేళ్ళ బాలుడిని హత్య చేసిన ఘటన దక్షిణ ఢిల్లీలో వెలుగులోకి వచ్చింది. ఈ వివరాలను పరిశీలిస్తే...
దక్షిణ ఢిల్లీకి చెందిన 17 యేళ్ల బాలుడికి టీవీ షోలంటే మహా పిచ్చి. ఈ షోలలో పాల్గొనాలని తెగ ఆరాటపడేవాడు. ఇందుకోసం అవసరమైన డబ్బుల కోసం దోపిడీలు దొంగతనాలకు పాల్పడేవాడు. ఈ క్రమంలో ఓ రోజున వృద్ధురాలిని హత్యచేశాడు. ఆ తర్వాత బాలనేరస్థుల కారాగారంలో ఉంచగా, ఎంతో సత్‌ప్రవర్తనతో మెలిగాడు. దీంతో జైలు అధికారులు చూసి.. అతన్ని ముందుగానే విడుదల చేశారు.
జైలు నుంచి విడుదలైన తర్వాత కొద్ది రోజులు సక్రమంగానే ఉన్నాడు. ఈ క్రమంలో ఓ యువతిని ప్రేమించాడు. ఆమెతో కలిసి 13 ఏళ్ల వయసుగల బాలుడిని కిడ్నాప్ చేశాడు. ఆ బాలుడి తండ్రిని రూ.60 వేలు డిమాండ్ చేశాడు. కానీ ఆయన ఆ సొమ్ము చెల్లించలేకపోవడంతో కిడ్నాప్ చేసిన బాలుడిని ఉత్తరాఖండ్‌ తీసుకెళ్లి, చంపేశాడు. దీనిపై స్థానిక పోలీసులు కేసు నమోదు చేసి దర్యాప్తు జరుపుతున్నారు.
