రూపాయికే కిలో బియ్యం: ఆంధ్రప్రదేశ్‌ను అనుసరిస్తున్న కేంద్రం
, సోమవారం, 7 నవంబరు 2011 (22:11 IST)
ఆంధ్రప్రదేశ్ ప్రభుత్వాన్ని యూపీఎ ప్రభుత్వం అనుసరిస్తోంది. ఇక నుంచి దేశవ్యాప్తంగా రూపాయికే కిలో బియ్యం అందేటట్లు ఆహారబిల్లు భద్రత ముసాయిదా బిల్లుకు కాంగ్రెస్ పార్టీ ఓకే చేసింది. ఇతర ధాన్యాలను రూ. 2 అందేటట్లు చూడాలని ప్రణాళికలు సిద్ధం చేస్తోంది. త్వరలో ఉత్తరప్రదేశ్‌లో ఎన్నికలు జరుగనున్న నేపధ్యంలో ఈ పథకాన్ని అక్కడి నుంచి ప్రారంభించాలని కేంద్రం భావిస్తున్నట్లు తెలుస్తోంది. ఇంకోవైపు ఆహారద్రవ్యోల్బణం చుక్కలు చూస్తుండటంతో ధరలు అదుపు తప్పాయి. సామాన్యుడికి మోయలేని భారంగా మారిన నిత్యావసర వస్తు ధరలను ఈ పథకంతో నిలువరించాలని కేంద్రం భావిస్తున్నది. ఇప్పటికే రూపాయికే కిలో బియ్యం పథకం గురించి ఆంధ్రప్రదేశ్ ముఖ్యమంత్రి కిరణ్ కుమార్ రెడ్డిని రాహుల్ గాంధీ సంప్రదించినట్లు సమాచారం. మొత్తమ్మీద ఉత్తరప్రదేశ్ ఎన్నికల్లో రూపాయికే కిలో బియ్యం పథకంతో కాంగ్రెస్ పార్టీ వెళ్లనుంది.
