సౌరాష్ట్రదేశే విశరేతిమ్యే
జ్యోతిర్మయం చంద్రకళావతంసం|
భక్తి ప్రదానాయ కృపావతీర్ణం
తం సోమనాథం శరణం ప్రపద్యే||
శ్రీశైల శృంగే విబుధాతి సంగే
తులాద్రి తుంగేపి ముదావసంతం|
తమర్జునం మల్లిక పూర్వమేకం
నమామి సంసార సముద్ర సేతుమ్||
అవంతికాయాం విహితావతరాం
ముక్తి ప్రదానాయ చ సజ్జనానాం|
అకాల మృత్యో: పరిరక్షణార్థం
వందే మహాకాల మహం సురేశమ్||
కావేరికా నర్మదయో: పవిత్రే
సమాగమే సజ్జన తారణాయ|
సదైవ మాంధాతృపురే వసంతం
ఓంకార మీశం శివ మేక మీడే||
పూర్వోత్తరే ప్రజ్వలికా నిధానే
సదా వసంతం గిరిజా సమేతం|
సురా సురారాధిత పాదపద్మం
శ్రీవైద్యనాథం తమహం నమామి||
యామ్మే సదంగే నగరేతి రమ్యే
విభూషితాంగం వివిధైశ్చ భోగై:|
సద్భుక్తి ముక్తిప్రద మీశ మేకం
శ్రీ నాగనాథం శరణం ప్రపద్యే||
హిమాద్రి పార్మ్వే చ తటే రమంతం
సంపూజ్యమానం సతతం మునీంద్రై:|
సురాసురై: యక్ష మహోరగాద్యై:
కేదార సంజ్ఞం శివమేక మీడే||
సహ్యాద్రి శీర్షే విమలే వసంతం
గోదావరీ తీర పవిత్రదేశే|
యద్దర్శనాత్ పాతక మాశునాశం
ప్రయాతి తం త్య్రంబక మీశ మీడే||
సుతామ్రపర్ణీ జలరాశి యోగే
నిబద్ధ్య సేతుం విశిఖైర సంఖ్యె:|
శ్రీరామచంద్రేణ సమర్పితం తం
రామేశ్వరాఖ్యం నియతం నమామి||
యం డాకినీ శాకినికా సమాజే
నిషేవ్యమాణం పిశితాశనైశ్చ|
సదైవ భీమాది పదప్రసిద్ధం
తం శంకరం భక్తహితం నమామి||
సానంద మానందవనే వసంతం
ఆనందకందం హతపాప బృందం|
వారాణసీనాథ మనాథ నాథం
శ్రీ విశ్వనాథం శరణం ప్రపద్యే||
ఇలాపురే రమ్య విశాలకే స్మిన్
సముల్ల సంతం చ జగద్వరేణ్యం|
వందే మహోదారతర స్వభావం
ఘృష్ణీశ్వరాఖ్యం శరణం ప్రపద్యే||
జ్యోతిర్మయం ద్వారశలింగకానాం
శివాత్మనాం ప్రోక్త మిదం క్రమేణ|
స్తోత్రం పఠిత్వా మనుజోతి భక్త్యా
ఫలం తదాలోక్య నిజం భజేచ్చ||
