పేరెంట్స్ భావోద్వేగాలు పిల్లలపై ప్రభావం చూపిస్తాయా..?
తల్లిదండ్రుల హావభావాలు పిల్లల గుణగణాలపై తప్పకుండా ప్రభావం చూపిస్తాయి. అలాగే తల్లిదండ్రుల సంతోషం, కోపం, ఉద్వేగం లాంటివన్నీ కూడా పిల్లలపై ప్రభావం చూపిస్తాయనీ.. పేరెంట్స్ మానసికంగా మంచిగా ఉంటే, పిల్లలు కూడా మంచివారిగా తయారవుతారని వైద్యులు చెబుతున్నారు.ముఖ్యంగా కవల పిల్లలపై తల్లిదండ్రుల ప్రభావం అధికంగా ఉంటుందనీ, బిడ్డల మానసికాభివృద్ధికి తల్లిదండ్రులు కారణభూతులవుతారు కాబట్టి వారు సంతోషంగా, ఉంటూ పిల్లల్ని సంతోషంగా ఉంచాలని వైద్యులు సూచిస్తున్నారు. తల్లిదండ్రులు పిల్లలకు రోల్‌మోడల్‌గా ఉండాలనీ, పిల్లలకు స్వాభిమానం చిన్నప్పటినుంచే నేర్పాలని వారంటున్నారు.తల్లిదండ్రులు మారిజానా, హెరాయిన్‌ సేవిస్తే అది పిల్లలపై ప్రభావాన్ని కలుగజేస్తుందనీ, ముఖ్యంగా తల్లి గర్భం దాల్చినప్పుడు బిడ్డ భవిష్యత్తుకోసం మాదక ద్రవ్యాలు సేవించరాదని వైద్యులు హెచ్చరిస్తున్నారు. తండ్రి కూడా వాటి జోలికి పోరాదు. బిడ్డ పుట్టిన తర్వాత తండ్రి తరచుగా పిల్లవాడితో అన్యోన్యతను పెంచుకోవాలి. తల్లిచూసుకుంటుంది కదా అని.. ఆఫీస్‌కు, క్లబ్‌లకే కాలం వెచ్చించరాదు. కనీసం రోజూ గంట సేపు బిడ్డతో గడపాలని వారు తెలిపారు.ఇక చివరిగా.. చిన్నపిల్లలు వారికేం తెలుసులే అని తేలిక భావనతో తల్లిదండ్రులు ఉండకూడదు. పిల్లలతో గడిపినప్పుడు వారిని ఆడించటం, మాట్లాడటం, ముద్దు పెట్టడం, చక్కిలిగింతలు పెట్టడం.. లాంటివన్నీ పిల్లలకు సంతోషాన్ని కలిగించేవే. తల్లిదండ్రులు వీటిని ఎప్పుడూ మరువకూడదు.
