"చిత్రం" సినిమాతో ఒక్కసారిగా యువకెరటంగా దూసుకెళ్లిన నటుడు ఉదయ్కిరణ్. ఆ తర్వాత పలు విజయవంతమైన చిత్రాలు చేసి కొంత విరామం తీసుకున్నా... మళ్లీ అదే స్థితికి చేరాలని ఉవ్విళ్ళూరుతున్నారు. తాజాగా ఆయన "ఏకలవ్యుడు" అనే చిత్రంలో నటించారు. ఈ నెల 7వ తేదీన ఈ సినిమా విడుదల కానుంది. ఈ సందర్భంగా ఉదయ్కిరణ్తో చిట్చాట్...
ప్రశ్న... మీకిష్టమైన వంటకం?
జ... నేను పూర్తి శాఖాహారిని. ఏదైనా ఇంట్లో చేసిందే ఇష్టపడతాను. ఆ రుచే వేరు. పులిహోర అంటే చాలా ఇష్టం.
ప్రశ్న... షూటింగ్లో ఉన్నప్పడు ఎలా..?
జ... షూటింగ్ ఉన్నా.. ఇంటి నుంచి కేరియర్ వస్తుంది. అమ్మచేతి వంట కోసం ఎదురుచూస్తుంటా.
ప్రశ్న... చిన్నతనంలో జరిగిన సంఘటనలు..?
జ... మా అక్కయ్య నన్ను పులిహోర అని ఏడిపిస్తుండేది. నేను తింటుంటే ఆశగా చూసేది. ఆ తర్వాత తనూ తినేదనుకోండి...
ప్రశ్న... హాబీలు..?
జ... డ్రైవింగ్ అంటే చాలా ఇష్టం. సిటీలో రాత్రిపూట కారులో తిరుగుతుంటాను. బైక్ ఉన్నప్పుడు కూడా తిరిగే వాడిని. రాత్రి సమయంలో ట్రాఫిక్జామ్లు ఉండవు గదా... ఇక సంగీతమంటే చాలా ఇష్టం. మంచి మెలోడీ పాటలు వింటుంటే... మనసు ఎంతో ఉల్లాసంగా ఉంటుంది.
ప్రశ్న... పెళ్లెప్పుడు చేసుకుంటారు?
జ... నాకే తెలీదు. ఒక్కోసారి నాకే నా పెళ్లెప్పుడు అనే ఆలోచన వస్తుంది. చాలా మంది నాకు పెళ్లయిందని అనుకుంటున్నారు. బాబోయ్ నాకు ఇంకా పెళ్లి కాలేదు. ఈ విషయాన్ని కాస్త హైలైట్ చేయండి... అంటూ ప్రాధేయపడ్డారు.... సో... ఉదయ్ కిరణ్కు ఇంకా పెళ్లి కాలేదండీ... అదీ సంగతి...!