నైజాం డిస్ట్రిబ్యూటర్ సుధాకర్ రెడ్డి కుమారుడిగా "జయం"లో పరిచయం అయిన హీరో నితిన్.. తర్వాత కొన్ని చిత్రాల్లో నటించినా పెద్దగా ఫలితంలేకపోయింది. వరుసగా చేసుకుంటూపోతే ఏదోనాడు విజయం దక్కుతుందనే ఆశతో నితిన్ ఉన్నాడు. తాజాగా "రెచ్చిపో" అంటూ ముందుకు వచ్చాడు. ఈ చిత్రం శుక్రవారం విడుదలైంది. ఈ సందర్భంగా నితిన్తో కాసేపు..
ప్రశ్న: విజయాలు రావట్లేదు. "రెచ్చిపో"లో జాగ్రత్తలు తీసుకున్నారా? జ: ఇంతకుముందు వచ్చిన సినిమాల్లో కాస్త కామెడీ, ప్రేమ సన్నివేశాలు తక్కువగా ఉండేవి. 'రెచ్చిపో'లో అన్ని సమపాళ్ళలో ఉంటాయి. పైగా నాతో తొలిసినిమా తీసిన నిర్మాతలంతా బాగున్నారు. ఆ సెంటిమెంట్ కలిసివస్తుందేమో చూడాలి.
ప్రశ్న: ఇలియానాతో నటించడం ఎలా అనిపించింది? జ: నిజం చెప్పాలంటే.. 'దేవదాసు'కు ముందే ఆమెతో నటించాల్సింది. కానీ అది కొన్ని అనివార్య కారణాల వల్ల చేజారిపోయింది. ఇప్పుడు ఆ ఛాన్సు వచ్చింది.
ప్రశ్న: ఎందుకోసం రెచ్చిపోతుంటారు? జ: ప్రేమకోసమే. ఇందులో నేను దొంగగా నటిస్తున్నాను. రొటీన్కు భిన్నంగా అమ్మాయి మనసు దొంగలిస్తాను. అక్కడనుంచి ఓ పోరాటం మొదలవుతుంది. అదే సినిమా. ఎంటర్టైన్మెంట్గా ఉంటుంది.
ప్రశ్న: బాడీలాంగ్వేజ్ రీత్యా ఏదో ప్రత్యేకత చూపిస్తారు. ఎందుకని? జ: ఏదైనా కొత్తదనం కావాలి. అందుకే అలా చేస్తున్నాను. 8ప్యాక్ బాడీ వరకు పెంచాను. తర్వాత మామూలుగానే ఉన్నాను. అడవిలో సాదాసీదాగా చేశాను.
ప్రశ్న: "అడవి" చిత్రం తర్వాత హిందీలో ఆఫర్లు వచ్చాయంటున్నారు. నిజమేనా? జ: అవును. కానీ అడవి-2 కాదు. రంగీలా తరహాలో ఉంటుంది. తర్వాత వెల్ఫేర్ క్రియేషన్లో ఓ చిత్రం చేస్తున్నాను.