భర్తతో కలిసి టూర్ కెళ్లాలనుకున్న భార్య... సాధ్యపడక పోవడంతో శవంతో రోడ్ జర్నీ!
భర్తతో కలిసి టూర్‌కు వెళ్లాలని ఆ భార్య భావించింది. అయితే, అది సాధ్యపడక పోవడంతో అతని శవంతో టూర్‌కు బయలుదేరింది.
భర్తతో కలిసి టూర్‌కు వెళ్లాలని ఆ భార్య భావించింది. అయితే, అది సాధ్యపడక పోవడంతో అతని శవంతో టూర్‌కు బయలుదేరింది. అయితే, కుళ్లిన శవం నుంచి దుర్వాసన అధికంగా రావడంతో గుర్తించిన ఓ ప్రాంతం వాసులు పోలీసులకు ఫిర్యాదు చేయడంతో ఈ విషయం వెలుగులోకి వచ్చింది. ఈ వివరాలను పరిశీలిస్తే...
అమెరికా, అలస్కాకు చెందిన ఓ మహిళ భర్తతో కలిసి కొన్నిరోజులు ప్రయాణాలు చేయాలని భావించింది. అయితే, 78 యేళ్ళ వయసున్న భర్త అందుకు ససేమిరా అన్నారు. ఇంతలో ఆయన చనిపోయాడు. దీంతో తన అనుకున్న ప్లాన్ ప్రకారం భర్త శవంతో టూర్‌కు బయలుదేరింది. భర్త మృతదేహాన్ని వాహనంలో పెట్టుకొని రోడ్డు ప్రయాణాలు చేసింది. 78 ఏళ్ల తన భర్త మృతదేహాన్ని ఓ అల్యూమినియం శవపేటికలో పెట్టుకొని.. తను ఎక్కడికి వెళితే అక్కడికి తీసుకెళ్లింది. శవం కుళ్లిపోయి దుర్వాసన రాకుండా ఎప్పుడూ ఐస్‌ను వినియోగించింది.
అయితే, అమెరికాలోని అలస్కాలో ఆమె శవంతో తిరుగుతుండటంతో కొందరు పోలీసులకు సమాచారమివ్వడంతో ఈ విషయం వెలుగులోకి వచ్చింది. ఆమె భర్త సహజంగానే మరణించారని, ఈ వ్యవహారంలో ఆమెపై ఎలాంటి అభియోగాలు మోపలేదని పోలీసు అధికారి చెప్పారు. ఆమె భర్త శవాన్ని స్వాధీనం చేసుకొని స్థానికంగా ఉన్న మార్చురీకి తరలించామని, మళ్లీ తన భర్త శవం కోసం ఆమె రాబోదని ఆశిస్తున్నామని తెలిపారు.
