పరుగుతీస్తే కన్యత్వం పోతుందని.. ఓ కళాశాల నిషేధం విధించడం ఆస్ట్రేలియా దుమారం రేపింది. ఆస్ట్రేలియాలోని ఓ ఇస్లామిక్ కళాశాల విద్యార్థినులపై విచిత్ర నిషేధం విధించింది. అమ్మాయిలు పరుగులు పందాల్లో పాల్గొన కూడదని మెల్ బోర్న్‌లోని అల్ తక్వా కాలేజ్ ప్రిన్స్‌పాల్ ఆదేశాలు చేశారు. అలా పరుగు పందాలలో పాల్గొంటే కన్యత్వం పోతుందని పేర్కొన్నారు
కాగా అల్ తక్వా కళాశాల ప్రిన్సిపాల్ ఒమర్ హల్లాక్ తీరుపై ఓ మాజీ ఉపాధ్యాయుడు ప్రభుత్వానికి లేఖ రాయడంతో విషయం వెలుగులోకి వచ్చింది. అమ్మాయిలు అధికంగా పరిగెడితే, వారు కన్యత్వం కోల్పోతారని ప్రిన్సిపాల్ భావిస్తున్నాడని, అందుకు శాస్త్రీయమైన ఆధారాలున్నాయని ఆయన నమ్ముతున్నాడని మాజీ ఉపాధ్యాయుడు తన లేఖలో పేర్కొన్నారు.
దీనిపై... విక్టోరియా రాష్ట్ర విద్యాశాఖ మంత్రి జేమ్స్ మెలినో మాట్లాడుతూ... ఆ విధమైన నిషేధం విధించడం నిజమే అయితే, అది ఆందోళనకరమని అభిప్రాయపడ్డారు. దీనిపై పాఠశాలల రెగ్యులేటర్, విక్టోరియా రిజిస్ట్రేషన్ అండ్ క్వాలిఫికేషన్ అథారిటీని విచారణ జరపాల్సిందిగా ఆదేశించినట్టు చెప్పారు.
