శ్రీలంక అధ్యక్షుడు మైత్రిపాల సిరిసేన సోదరుడు దారుణహత్యకు గురయ్యారు. మైత్రిపాల సోదరుడు ప్రియాంత సిరిసేన (40)పై గత రెండు రోజుల క్రితం ఆయన సొంత నగరమైన పొలొన్నారువలో ఓ వ్యక్తి గొడ్డలితో దాడి చేశాడు. ఈ దాడికి పాల్పడిన వ్యక్తి ప్రియాంత స్నేహితుడే కావడం విశేషం.
ఈ దాడిలో తీవ్రంగా గాయపడిన ప్రియాంత ఆసుపత్రిలో చికిత్స పొందుతూ శుక్రవారం మృతిచెందారు. గొడ్డలితో నరికి హత్యకు పాల్పడిన ప్రియాంత సిరిసేన స్నేహితుడ్ని పోలీసులు అదుపులోకి తీసుకుని కోర్టులో హాజరుపరిచారు.
కోర్టు అతనిని ఏప్రిల్ 8 వరకు రిమాండ్‌కు తరలించింది. కాగా, చైనా పర్యటనలో ఉన్న శ్రీలంక అధ్యక్షుడు మైత్రిపాల సిరిసేన ఘటన గురించి తెలుసుకుని షాక్ కు గురయ్యారు.
