యూకె నుంచి విడిపోయి స్వతంత్ర దేశంగా ఏర్పడే విషయమై స్కాట్లాండ్‌లో నిర్వహించిన రెఫరెండం గురువారం ముగిసింది. ప్రజలు ఆసక్తిగా వోటింగ్‌లో పాల్గొన్నారు. బ్రిటన్‌తో కలిసి ఉండటంపైనే స్వల్ప మెజారిటీ ఉంటుందన్న వార్తలు వస్తున్న నేపథ్యంలో ఫలితంపై ప్రపంచం ఉత్కంఠగా ఎదురు చూస్తుంది. టెన్నిస్ స్టార్ ఆండి ముర్రే స్వతంత్ర దేశంగా స్కాట్లాండ్ ఏర్పాటుకు మద్దతు తెలిపాడు. శుక్రవారం ఫలితం వెలువడనుంది.
కాగా స్కాట్లాండ్ బ్రిటన్ నుంచి విడిపోవడాన్ని ప్రస్తుత బ్రిటన్ ప్రధాని కామెరూన్‌తోపాటు ఇతర ప్రముఖ రాజకీయ నాయకులందరూ వ్యతిరేకిస్తున్నారు. అయితే స్కాంట్లాండ్ ప్రజలు మాత్రం బ్రిటన్ నుంచి విడిపోవాలని కోరుకుంటున్నట్టు సమాచారం.
