ప్రపంచం గర్వించదగిన గాయనీ లతా మంగేష్కర్‌ను న్యూయార్క్ టైమ్స్ పత్రిక తప్పుబట్టింది. భారత రత్నలైన లతా మంగేష్కర్, సచిన్ టెండూల్కర్‌లపై ప్రముఖ కమెడియన్ తన్మయ్ భట్ విడుదల చేసిన వీడియో తీవ్ర విమర్శల పాలైన నేపథ్యంలో.. ఈ వీడియోకు సంబంధించి న్యూయార్క్ టైమ్స్ పత్రిక ఓ కథనాన్ని ప్రచురించింది. అందులో లతా మంగేష్కర్‌ను సో కాల్డ్ సింగర్ అంటూ అవమానించిందని న్యూయార్క్ టైమ్స్ తెలిపింది. కానీ లతా మంగేష్కర్ అభిమానులు తీవ్ర స్థాయిలో మండిపడుతున్నారు.
అయితే బాలీవుడ్ బ్యూటీ సోనమ్ ఈ వీడియోపై స్పందించింది. సచిన్ టెండూల్కర్, లతా మంగేష్కర్‌ల ఇమేజిలను డ్యామేజ్ చేస్తూ తన్మయ్ భట్ రూపొందించిన వీడియోపై అంతా గరంగరం అవుతుంటే సోనమ్ మాత్రం తన్మయ్‌కి మద్దతుగా నిలిచింది. ఆ వీడియోలో పెద్దగా ఏమీ లేదని ఆ వీడియోను చూసి నవ్వుకుని వదిలిపెట్టక రాద్ధాంతం చేస్తారెందుకు అంటూ ప్రశ్నించింది.
