ఉగ్రరూపంలో ఉన్న ఓ సింహం సోషల్ మీడియాలో హల్ చల్ చేస్తోంది. ట్విట్టర్, ఫేస్ బుక్, ఇన్‌ స్టాగ్రాం, వాట్సప్ అని తేడా లేకుండా సోషల్ మీడియాను ఆ ఉగ్ర సింహం చుట్టేస్తోంది. స్తంభాన్ని పగులగొట్టుకుని వచ్చిన ఉగ్రనరసింహుని నకలు రూపంలా కనబడుతున్న ఆ సింహం ఫోటోని ప్రాణాలకు తెగించి అతీఫ్ సయీద్ అనే పాకిస్థాన్ ఫోటోగ్రాఫర్ తీశాడు.
2012లో అతీఫ్ సయీద్ లాహోర్ జూను సందర్శించిన సందర్భంగా ఆగ్రహంతో ఊగిపోతున్న ఆ సింహం కళ్లలో కెమేరా కన్ను పెట్టాడు. ఉగ్రనరసింహుని కళ్లకు కట్టినట్టు కనబడుతున్న ఆ ఫోటోని ఈ మధ్యే సోషల్ మీడియాలో అతీఫ్ పోస్టు చేశాడు. అంతే దానిని సోషల్ మీడియాలోని వీక్షకులు లైకులు, షేర్లతో అభిమానిస్తున్నారు.
