కొలంబియాలో కూలిన మిలిటరీ హెలికాప్టర్: 17మంది దుర్మరణం

కొలంబియాలో మిలిటరీ హెలికాప్టర్‌ కూలి 17 మంది దుర్మరణం చెందారు. గత ఆదివారం అదృశ్యమైన ఎమ్‌ఐ-17 ఆర్మీ హెలికాప్టర్‌ మంగళవారం కొలంబియాలో కూలిపోయిందని అధికారులు పేర్కొన్నారు. సమాచారం అందుకున్న సహాయక బృందం ఘ

కొలంబియాలో మిలిటరీ హెలికాప్టర్‌ కూలి 17 మంది దుర్మరణం చెందారు. గత ఆదివారం అదృశ్యమైన ఎమ్‌ఐ-17 ఆర్మీ హెలికాప్టర్‌ మంగళవారం కొలంబియాలో కూలిపోయిందని అధికారులు పేర్కొన్నారు. సమాచారం అందుకున్న సహాయక బృందం ఘటనా స్థలికి చేరుకుని మృతదేహాలను వెలికితీశారు. ఈ ప్రమాదంతో మరణించిన వారంతా మిలిటరీ అధికారులేనని తెలిపారు. 

ఈ దుర్ఘటన పట్ల ఆ దేశ అధ్యక్షుడు జువాన్‌ మాన్యుల్‌ సాంటోస్‌ తీవ్ర సంతాపం వ్యక్తం చేశారు. మృతుల కుటుంబసభ్యులకు ప్రగాఢ సానుభూతి తెలిపారు. వాతావరణం అనుకూలించకపోవడం వల్లే హెలికాప్టర్‌ కూలి ఉండొచ్చని అధికారులు అనుమానం వ్యక్తం చేస్తున్నారు.