తీవ్రవాదులతో పోరాడుతున్న పాకిస్థాన్, ఆఫ్గనిస్థాన్ దేశాలకు భారీగా ఆర్థిక సాయం చేసేందుకు అమెరికా అధ్యక్షుడు బరాక్ ఒబామా ప్రభుత్వం నిర్ణయించింది. ఈ మొత్తాన్ని 2009, 2010 ఆర్థిక సంవత్సరాల్లో అందజేస్తారు.
అయితే, రెండు బిలియన్ డాలర్లకు పైగా అమెరికా సాయాన్ని పాక్ అందుకుంటుందని అమెరికా స్టేట్ డిపార్ట్‌మెంట్ వెల్లడించింది. శనివారం జరిగిన 2010 సంవత్సరానికి గాను అంతర్జాతీయ వ్యవహారాల బడ్జెట్‌ కార్యక్రమంలో ఆ శాఖ ఈ విషయాన్ని వెల్లడించింది.
దీనిపై స్టేట్ మేనేజ్‌మెంట్ అండ్ రిసోర్స్ డిప్యూటీ సెక్రటరీ జాకబ్ లూ మాట్లాడుతూ.. 2010 ఆర్థిక సంవత్సరంలో ఒబామా ప్రభుత్వం పాకిస్థాన్‌కు 1.6 బిలియన్ డాలర్లు, ఆఫ్గనిస్థాన్‌కు 2.8 బిలియన్ డాలర్ల సాయం చేసేందుకు ప్రతిపాదించిందని చెప్పారు.
