ఈ ఏడాది అక్టోబర్‌ 31వ తేదీ నాటికి ప్రపంచ జనాభా 700 కోట్లు దాటనుందని ఐక్యరాజ్య సమితి అంచనా వేసింది. ఈ శతాబ్ది చివరికి ఈ సంఖ్య 1000 కోట్లను మించుతుందని బుధవారం విడుదల చేసిన ఒక నివేదికలో పేర్కొంది.
ప్రపంచ వ్యాప్తంగా జనాభా పెరుగుదల విషయంలో ప్రస్తుతమున్న ధోరణులను బట్టి 700 కోట్లకు చేరుతుందని చెప్పింది. ఈ శతాబ్దం మధ్య నాటికి ప్రపంచ జనాభా 915 కోట్లుగా ఉంటుందని తాము ముందుగా అంచనా వేసినా, ఆ సంఖ్య 931 కోట్లుగా ఉంటుందని చెప్పింది.
సవరించిన ప్రపంచ జన సంపద-2010 పేరుతో విడుదల చేసిన నివేదికలో ఐక్యరాజ్య సమితి ఈ వివరాలు వెల్లడించింది. ఆ ఏడు రోజుల పాటు జరిగే అన్ని ఈవెంట్లను నమోదు చేయడానికి అక్టోబర్‌ 24 నుంచి తాము కౌంట్‌డౌన్‌ నిర్వహించడం ప్రారంభిస్తామని ఐక్యరాజ్య సమితి పాపులేషన్‌ ఫండ్‌ (యుఎన్‌ఎఫ్‌పిఎ) చెప్పింది.
