మాజీ ప్రపంచ నెంబర్ వన్, టెన్నిస్ దిగ్గజం.. స్విట్జర్లాండ్ టాప్ సీడ్ టెన్నిస్ స్టార్ రోజర్ ఫెదరర్ తండ్రి కాబోతున్నాడు. ఈ విషయాన్ని తనే స్వయంగా తన వెబ్సైట్లో వెల్లడించాడు. తన ప్రియురాలు మిర్కా వావ్రింక్ ప్రస్తుతం గర్భంతో ఉందని, వేసవిలో మిర్కా పండంటి బిడ్డకు జన్మినిచ్చే అవకాశం ఉందని ఫెదదర్ వెబ్సైట్లో వెల్లడించాడు.
" మా కల నిజమవుతోందని.. పిల్లలంటే మాకు చాలా ఇష్టమని ఫెదరర్ చెప్పుకొచ్చాడు. మిర్కా కూడా చాలా సంతోషంగా ఉందని రోజర్ ఫెదరర్ అన్నాడు. మేమిద్దరం ఎప్పుడెప్పుడు తల్లిదండ్రులు అవుతామా అని ఉత్సాహంగా ఎదురుచూస్తున్నామని ఫెదరర్ హర్షం వ్యక్తం చేశాడు.
ఇదిలా ఉండగా.. 2000 సంవత్సరంలో జరిగిన సిడ్నీ ఒలింపిక్స్లో ఫెదరర్ మిర్కాను కలిశాడు. ఆ తర్వాత వీరిద్దరూ ప్రేమలో పడ్డారు. అప్పటి నుంచి సహజీవనం చేస్తున్నారు. డేవిస్ కప్, దుబాయ్ ఓపెన్లను గాయాల కారణంగా చేజార్చుకున్న ఫెదరర్, ప్రస్తుతం ఇండియన్ వెల్స్ టోర్నీలో ఆడుతున్నాడు.