తన పాటతో ప్రపంచ వ్యాప్తంగా గుర్తింపుతెచ్చుకున్న ప్రముఖ హాలీవుడ్ నటి, పాప్ సింగర్ జెన్నీఫర్ లోపెజ్ తన భర్త మార్క్ ఆంటోనితో విడిపోయిన విషయం తెలిసిందే. తాజాగా వీరికి కోర్టు విడాకులు మంజూరు చేయడంటో వీరి వివాహబంధానికి ఫుల్‌స్టాప్ పడింది. జెన్నిఫర్ లోపెజ్, మార్క్ ఆంటోనికి ఇద్దరు పిల్లులు కూడా ఉన్నారు. 2008లో ఈమెకు మాక్స్, ఎమ్మా అనే కవలపిల్లలు జన్మించారు.
మూడున్నరేళ్ల క్రితం విడిపోయిన వీరికి తాజాగా కోర్టు విడాకులు మంజూరు చేసింది. జెన్నిఫర్ లోపెజ్ సంరక్షణలోనే పిల్లలు వుండటంతో నెలలో వారంరోజులు ఆంటోని పిల్లలతో గడిపే అవకాశాన్ని కోర్టు కల్పించింది. జెన్నిఫర్ లోపెజ్‌కు ఇదివరకే రెండు పెళ్లిళ్లి అయ్యాయి. మూడో పెళ్లి కూడా పెటాకులవడంతో ఈ భామ ప్రస్తుతం ఒంటరిగా ఉంటోంది.
