మారుతున్న జీవనశైలి, ఆహార అలవాట్లు ఊబకాయానికి కారణం. చాలా మంది పురుషులు అధిక బరువుతో ఇబ్బంది పడుతుంటారు. ఇలాంటి ఇంట్లోనే చిన్నపాటి చిట్కాలు పాటిస్తే సరిపోతుందని వైద్యులు చెపుతున్నారు.
అధిక బరువుతో బాధపడుతూ ఉంటే, అందుకు పంచసూత్ర ప్రణాళిక పాటిస్తే సరిపోతుందని చెపుతున్నారు. ఇంట్లో మెట్లు ఉంటే వాటిని ఎక్కిదిగడం అలవాటు చేసుకోవాలి. అలాంటి ఎక్సర్ సైజులు అదనపు కెలోరీలను బాగా ఖర్చుచేస్తాయి. నీళ్ళు అధికంగా తాగాలి. ఆరోగ్యానికి ఇదో మంచి మార్గం.
ముఖ్యంగా రాత్రి 9 తర్వాత భోజనానికి నో చెప్పాలి. రాత్రి భోజనానికి, నిద్రకు మధ్య 3 గంటల విరామం ఉండేట్టు చూసుకోవాలి. తద్వారా జీర్ణవ్యవస్థ సక్రమంగా పనిచేస్తుంది. కొవ్వు పదార్ధాలు కూడా చక్కగా జీర్ణమవుతాయి.
వారానికి ఓ రోజు ఇష్టమైన ఆహార పదార్థాన్ని కడుపారా తినండి. మనకు నచ్చిన వంటకాన్ని తినగలిగినంత తినడం ద్వారా మానసిక తృప్తి కలుగుతుందని చెపుతున్నారు.
