ప్రపంచంలోనే తొలిసారిగా హెచ్ఐవీ సెల్ఫ్ టెస్టింగ్ కిట్ బ్రిటన్ మార్కెట్లో విడుదలైంది. ఇవి త్వరలోనే భారత్‌తో పాటు ఇతర దేశాల్లో అందుబాటులోకి రానున్నాయి.
బయో షూర్ హెచ్ఐవీ సెల్ఫ్ టెస్ట్ పేరిట విడుదలైన ఈ కిట్‌ను ఉపయోగించడం ద్వారా 15 నిమిషాల్లో 99.7 శాతం వరకూ ఖచ్ఛితమైన ఫలితాలు వెలువడతాయని ఈ కిట్‌లను విడుదల చేసిన టెర్రెన్స్ హిగ్గిన్స్ ట్రస్ట్ వెల్లడించింది.
వేలి కొన నుంచి ఒక చుక్క రక్తం తీసుకొని కిట్‌పై వేయాలని, ఆపై శరీరంలో వైరస్ ఉంటే రెండు పర్పుల్ లైన్స్ ప్రత్యక్షమవుతాయని, వారు తదుపరి రక్త పరీక్షలకు సిఫార్సు చేయబడినట్టు భావించాలని ఈ కిట్‌ను విడుదల చేసిన కంపెనీ పేర్కొంది. ఈ కిట్‌ను ఆన్‌లైన్‌లో కూడా కొనుగోలు చేయవచ్చని వివరించింది.
