తెల్లటి కూరగాయలు తీసుకోండి.. వ్యాధి నిరోధక శక్తిని పెంచుకోండి.. అంటున్నారు న్యూట్రీషన్లు. పచ్చని కూరగాయలను తీసుకోవడంతో పాటు తెలుపు రంగు కూరగాయలను కూడా డైలీ డైట్‌లో చేర్చుకుంటే ఇమ్మునిటీ పెరుగుతుందని వారంటున్నారు. తెలుపు రంగు కూరగాయలంటే క్యాలీఫ్లవర్, బంగాళాదుంపలు, పుట్టగొడుగులు, వెల్లుల్లి.
ఈ నాలుగింటిని వారానికి రెండు మూరు సార్లైనా తప్పకుండా తీసుకోవాలి. తెల్లటి క్యాలీఫ్లవర్‌లో సల్ఫర్ అత్యధికంగా లభిస్తుంది. తద్వారా క్యాన్సర్‌ను నిరోధిస్తుంది. ఎముకల్లోని టిష్యూను అభివృద్ధి చేస్తుంది. రక్తప్రసరణ సాఫీగా జరిగేలా చూస్తుందని ఆరోగ్య నిపుణులు అంటున్నారు.
అలాగే వెల్లుల్లిలో యాంటీ ఆక్సిడెంట్లు పుష్కలంగా ఉన్నాయి. శరీరంలో రోగనిరోధక శక్తిని పెంచుతుంది. వర్షాకాలంలో, చలికాలంలో జ్వరం, దగ్గులను రాకుండా నిరోధిస్తాయి. వీటిని ఎంత వీలైతే అంత కూరల్లో వేసుకుని తినొచ్చు. ఇక పీచుపదార్థం, పొటాషియం కావాలంటే బంగాళాదుంపల్ని తినాలి. ఇందులోని విటమిన్ సి, విటమిన్ బి 6 శరీరానికి ఎంతో మేలు చేస్తుంది.
ఇక తెల్లటి పుట్టగొడుగుల్లో తక్కువ క్యాలరీలు, కొవ్వు ఉంటుంది. సోడియం, సెలీనియం, పొటాషియం, విటమిన్ డిలు పుట్టగొడుగులతో పుష్కలంగా లభిస్తాయి. వీటిని తినడం వల్ల బరువు తగ్గుతారని న్యూట్రీషన్లు చెబుతున్నారు.
