టమోటాను ప్రతిరోజూ ఆహారం ద్వారా తీసుకోవడం ద్వారా పురుషుల్లో ఏర్పడే టైప్-2 ప్రోస్టేట్ క్యాన్సర్‌ను దూరం చేసుకోవచ్చునని ఆరోగ్య నిపుణులు అంటున్నారు. బ్రిటీష్ పరిశోధకులు చేసిన అధ్యయనంలో సుమారుగా ఒక వారానికి దాదాపు ఒకటిన్నర కిలోల టమోటాను ఆహారంలో చేర్చుకునే పురుషుల్లో ప్రోస్టేట్ క్యాన్సర్ ఏర్పడే ప్రమాదం చాలా తక్కువని తేలింది. టమోటా ఆహారంగా తీసుకునే వారిలో ప్రోస్టేట్ క్యాన్సర్ 20 శాతం తగ్గించే అవకాశమున్నట్లు పరిశోధనలో తేలింది.
ప్రపంచ వ్యాప్తంగా పురుషులకు ఏర్పడే రెండో అతిపెద్ద వ్యాధి అయిన ప్రొస్టేట్ క్యాన్సర్ కణాల వృద్ధిని టమోటాలు నిర్మూలిస్తాయని పరిశోధకులు తెలిపారు. బ్రిటన్‌లోని పురుషుల్లో 35వేల మందికి ఈ క్యాన్సర్ ముప్పు తప్పలేదని, వీరిలో 10వేల మంది ఈ క్యాన్సర్ ద్వారా ప్రాణాలు కోల్పోయారని పరిశోధకులు తెలిపారు.
సాధారణంగా క్యాన్సర్ నుంచి తప్పించుకోవాలంటే కూరగాయలు, పండ్లు ఎక్కువగా తీసుకోవాలని పరిశోధకులు సూచిస్తున్నారు. అలాగే టమోటాలను కూడా ఆహారంలో చేర్చుకుంటే క్యాన్సర్ కణితులను తొలగిస్తుందని వారు చెబుతున్నారు. క్యాన్సర్ బారిన పడకుండా ఉండాలంటే మాంసం, వ్వు పదార్థాలు, ఉప్పు తగ్గించాలని పరిశోధకులు సలహా ఇస్తున్నారు.
