పాదాల పగుళ్లూ, పొడిబారడం ఎంతో ఇబ్బంది పెడతాయి అలాంటి పాదాలతో ఖరీదైన ఫ్యాషన్ చెప్పులు వేసుకోలేం. ఇలాంటప్పుడు పెడిక్యూర్‌తో సమస్యను దూరం చేసుకోవచ్చు. ప్రతిసారి బ్యూటీ పార్లర్లకి వెళ్లే సమయం ఉండకపోవచ్చు. అలాంటప్పుడు ఇంట్లోనే పాదాలకు స్పా తరహా చికిత్సను ఈ ఈజీఫీట్ పరికరం అందిస్తుంది. చూడ్డానికి చెప్పుల తరహాగా ఉండే ఈజీఫీట్‌లో వెనుక ఓ ఫ్యూమిస్ రాయి ఉంటుంది.
ఇది మృతకణాలను తొలగించి పాదాలను మృదువుగా చేస్తుంది. పైనా కిందా దట్టంగా ఉన్న బ్రష్ తరహా కుచ్చులు పాదాల్లో పేరుకున్న మురికిన తొలగిస్తాయి. వీటిని ధరించినప్పుడు జారిపోకుండా ఉండేందుకు అడుగున నేలను అంటిపెట్టుకునేలా బలమైన గ్రిప్స్ ఉంటాయి. వీటిని పాదాలకు ధరించి పెడిక్యూర్ క్రీమ్‌ను రాసుకుని కాసేపు ఉంచాలి. పాదాలను అటూఇటూ కదపడం వల్ల పాదాలకు మసాజ్ లభిస్తుంది.
