బరువు తగ్గాలనే కోరిక మంచిదే. అందుకు ఒక చక్కని మార్గం వ్యాయాయమం. ఇంటి దగ్గరే ట్రెడ్ మిల్ ఏర్పాటుకు అవకాశం వచ్చిన తర్వాత చాలా మంది మహిళలు దీనిని వాడుతున్నారు. ఎక్కువ సేపు ట్రెడ్ మిల్ చేస్తే త్వరగా బరువు తగ్గుతామనే ఆలోచన వారికి ఉంది. అయితే అతిగా ట్రెడ్ మిల్ చేయడం వల్ల అనేక ఇబ్బందులను కొని తెచ్చుకుంటున్నారు.
అందులో మొదటి ఇబ్బంది శారీరక అలసట. నీరసం, ఉన్నశక్తి మొత్తం దీనికే సరిపోతుంది. అతిగా చేస్తే వ్యాయామం హార్మోన్ ల తయారీ, పంపిణీ విషయంలో ఇబ్బందులు తెస్తుంది. మోకాళ్ళ నొప్పులు, వెన్ను నొప్పి వంటి సమస్యలు తలెత్తే అవకాశం ఉంది. కాబట్టి శరీర ఆరోగ్యానికి తగిన విధంగా మాత్రమే ఈ వ్యాయామానికి సమయాన్ని కేటాయించండి.
