పుష్యమి నక్షత్రం మొదటిపాదంలో జన్మించిన వారికి 19 సంవత్సరాల వయస్సు వరకు శని మహర్దశ సంచారం కావడంతో.... నీలమును వెండితో పొదిగించుకుని మధ్యవ్రేలుకు ధరించుకున్నట్లైతే మంచి ఫలితాలనిస్తాయని రత్న శాస్త్ర నిపుణులు తెలుపుతున్నారు.
19 ఏళ్ళ నుంచి 36 సంవత్సరాల వయస్సు వరకు బుధమహర్దశ సంచరిస్తుండడంతో...పచ్చను బంగారంలో పొదిగించుకుని చిటికెన వ్రేలుకు ధరించుకున్నట్లైతే సత్ఫలితాలనిస్తాయని వారు అంటున్నారు.
36 సంవత్సరాల నుంచి 43 సంవత్సరాల వయస్సు వరకు కేతుమహర్దశ ప్రవేశిస్తుండడంతో... వైఢూర్యమును వెండిలో పొదిగించుకుని ఉంగరపు వ్రేలుకు ధరించుకున్నట్లైతే శుభప్రదమని రత్నాల శాస్త్రం చెబుతోంది.
43 ఏళ్ళ నుంచి 63 సంవత్సరాల వయస్సు వరకు శుక్రమహర్దశ సంచరిస్తుండడంతో...వజ్రమును బంగారంలో పొదిగించుకుని ఉంగరపు వ్రేలుకు ధరించుకున్నట్లైతే అనుకున్న కార్యాలు సత్వరమే సిద్ధిస్తాయని రత్నశాస్త్రనిపుణులు వెల్లడిస్తున్నారు.
63 సంవత్సరాల నుండి 69 సంవత్సరాల వయస్సు వరకు రవిమహర్దశ కావడంతో... కెంపును వెండిలో పొదిగించుకుని ఉంగరపు వ్రేలుకు ధరించుకున్నట్లైతే శుభపరిణామాలు చోటుచేసుకుంటాయని వారు అంటున్నారు.
69 ఏళ్ళ వయస్సు నుంచి 79 సంవత్సరాల వయస్సు వరకు చంద్రమహర్దశ సంచరిస్తుండటంతో ముత్యమును వెండిలో పొదిగించుకుని ఉంగరపు వ్రేలుకు ధరించుకున్నట్లైతే సత్ఫలితాలనిస్తాయని రత్నశాస్త్రకారులు తెలుపుతున్నారు.
79 సంవత్సరాల నుండి 86 సంవత్సరాల వయస్సు వరకు కుజమహర్దశ కావడంతో..పగడమును బంగారంలో పొదిగించుకుని ఉంగరపు వ్రేలుకు ధరించుకున్నట్లైతే శుభపరిణామాలు చోటుచేసుకుంటాయని వారు అంటున్నారు.
