బీరువా నిండా దుస్తులే... కానీ ఆ దుస్తులు మాత్రం వేసుకోరు... ఎందుకనీ...?
, శుక్రవారం, 9 ఆగస్టు 2013 (19:44 IST)
అవును. చాలామంది అలా దుస్తుల షాపుకు వెళ్లి కంటికి నచ్చింది కదా అని తోచిన దుస్తులు కొనేస్తుంటారు. కొన్న తర్వాత ఇంటికి వచ్చి ఏదో ఒకట్రెండు రోజులు వాటిని ధరించి మోజు తీరాక వాటిని ఇస్త్రీ చేసి బీరువాలో మడతపెట్టి దాచేసినట్లు ఉంచేస్తారు. ఇలాంటి జతలు దుస్తుల అలమరాలో ఎన్ని ఉన్నాయి...? వాటిని సంవత్సరంలో ఒక్కసారయినా ధరిస్తున్నారా...? ఇలాంటి స్థితిలో మీ అలమరా ఉందా... ఐతే ఈ క్రింది వాటిని మీరు చదివి తీరాల్సిందే.
మీ అలమరాలో మీరు ధరించిన దుస్తులు మూలుగుతున్నాయా... మీరు ఏడాదిలో ఒక్కసారి కూడా ధరించకుండా అలమరాలో మూలుగుతున్న దుస్తుల్ని వెంటనే బయటకు తీసి పేదలకో లేదంటే తెలిసినవారికో ఇంకా కాదంటే పాత స్టీలు సామానుల వారికి అమ్మేయండి. ఎందుకంటే... మీరు ధరించకుండా అలమరాలో మూలన పడేసిన దుస్తులు మీ స్టయిల్ కాదన్నమాట. మీరు అనుకోకుండా కొనుగోలు చేసిన దుస్తులు. అందువల్ల వాటిని మీరు ధరించలేకపోతున్నారు.