క్రికెట్ చాలా ప్రమాదకర క్రీడ అని వెస్టిండీస్ క్రికెట్ దిగ్గజం బ్రియాన్ లారా అన్నాడు. ఆస్ట్రేలియా బ్యాట్స్‌మన్ ఫిలిప్ హ్యూజెస్ ఓ బౌన్సర్ ధాటికి తీవ్రంగా గాయపడి ఆసుపత్రి పాలవడం తెలిసిందే. అతని పరిస్థితిపై ఇంకా స్పష్టత రాలేదు. ఈ ఘటనపై వెస్టిండీస్ బ్యాటింగ్ లెజెండ్ బ్రయాన్ లారా స్పందించాడు.
'హ్యూజెస్' తరహా ఘటనలు చాలా అరుదుగా చోటుచేసుకుంటాయని, కానీ, క్రికెట్ చాలా ప్రమాదకర క్రీడ అని పేర్కొన్నాడు. మంచి గోల్ఫర్ కూడా అయిన లారా ప్రస్తుతం ఆస్ట్రేలియన్ ఓపెన్ గోల్ఫ్ టోర్నమెంట్‌కు సన్నద్ధమవుతున్నాడు. ఈ సందర్భంగా మాట్లాడుతూ, హ్యూజెస్ కు గాయం దురదృష్టకరమని అన్నాడు. అతని కోసం ప్రార్థించడం తప్ప మరేమీ చేయలేమని తెలిపాడు. క్రికెట్ లో ఎల్లప్పుడూ రిస్క్ ఉంటుందని లారా అభిప్రాయపడ్డాడు.
