లార్డ్స్‌లో జరుగుతున్న యాషెస్ సిరీస్ రెండో టెస్ట్ మ్యాచ్‌లో టాస్ గెలిచిన ఇంగ్లండ్ కెప్టెన్ ఆండ్ర్యూ స్ట్రాస్ బ్యాటింగ్ ఎంచుకున్నాడు. కార్డిఫ్‌లో జరిగిన సిరీస్ తొలి మ్యాచ్ డ్రాగా ముగిసిన సంగతి తెలిసిందే. ఇంగ్లండ్, ఆస్ట్రేలియా జట్ల మధ్య జరిగే ఈ సంప్రదాయ సమరాన్ని ఇరుదేశాలు ప్రతిష్టాత్మకంగా భావిస్తాయి.
లార్డ్స్‌లో ఘనమైన చరిత్ర కలిగిన ఆస్ట్రేలియాను మట్టికరిపించేందుకు ఇంగ్లండ్ ప్రతిసారీ శాయశక్తులా పోరాడుతూనే ఉంది. అయితే 1934 నుంచి ఆస్ట్రేలియా ఈ మైదానంలో ఓటమి అంటే తెలియనట్లు ఆడింది. తాజా యాషెస్ సిరీస్‌లోనూ దీనిని కొనసాగిస్తామని ఆస్ట్రేలియా కెప్టెన్ రికీ పాంటింగ్ ధీమాగా చెప్పాడు.
జట్లు:
ఆస్ట్రేలియా: ఫిల్ హుగెస్, సిమన్ కటిచ్, రికీ పాంటింగ్ (కెప్టెన్), మైక్ హసీ, మైకెల్ క్లార్క్, మార్కస్ నార్త్, బ్రాడ్ హాడిన్, మిచెల్ జాన్సన్, నాథన్ హారిట్జ్, బెన్ హిల్ఫెన్హాస్, పీటర్ సిడిల్
ఇంగ్లండ్: ఆండ్ర్యూ స్ట్రాస్ (కెప్టెన్), ఆలస్టిర్ కుక్, రవి బొపారా, కెవిన్ పీటర్సన్, పాల్ కాలింగ్‌వుడ్, మాట్ ప్రియర్, ఆండ్ర్యూ ఫ్లింటాఫ్, స్టువర్ట్ బ్రాడ్, గ్రేమే స్వాన్, జేమ్స్ ఆండర్సన్, గ్రాహం ఆనియన్స్
