బెంగళూరు చిన్నస్వామి స్టేడియంలో రాజస్థాన్ రాయల్స్, రాయల్ చాలెంజర్స్ బెంగళూరు జట్ల మధ్య జరుగుతున్న మ్యాచ్‌కు వర్షంతో అంతరాయం కలిగింది. బెంగళూరు ఇన్నింగ్స్ ముగిసిన తర్వాత వర్షం ప్రారంభమైంది. వర్షం ఎంతకు ఆగకపోవడంతో మ్యాచ్ రద్దుచేసి, ఇరు జట్లకు చెరో పాయింట్ ఇచ్చారు. ప్రత్యర్థి ముందు భారీ లక్ష్యం ఉంచిన బెంగళూరు ఆశలపై వరుణుడు నీళ్లు చల్లాడు.
దీంతో రాజస్థాన్ 12 పాయింట్లతో పట్టికలో రెండో స్థానంలో ఉండగా, బెంగళూరు 7 పాయింట్లతో మూడో స్థానంలో ఉంది. అంతకుముందు టాస్ ఓడి తొలుత బ్యాటింగ్ చేసిన బెంగళూరు నిర్ణీత 20 ఓవర్లలో 7 వికెట్ల నష్టానికి 200పరుగులు చేసి రాజస్థాన్ ముందు భారీ లక్ష్యాన్ని ఉంచింది.
