కావలసిన పదార్థాలు :
బంగాళాదుంపలు... నాలుగు
నూనె... తగినంత
కరివేపాకు... పది రెమ్మలు
కొత్తిమీర... ఒక కట్ట
మినప్పప్పు... అర కప్పు
సెనగపప్పు... అర కప్పు
జీలకర్ర... పావు కప్పు
ఎండుమిర్చి... ఆరు
వెలుల్లి... పది రెబ్బలు
తయారీ విధానం :
బంగాళాదుంపల్ని తొక్క తీసి కడగాలి. వాటిని సన్నగా పొడవుగా ముక్కలుగా కోసి ఉప్పు వేసిన నీళ్లలో వేయాలి. ఇలా ముక్కలన్నింటినీ ఉప్పునీళ్లలో వేసిన తరువాత నీళ్లన్నీ వంపేసి, ముక్కల్ని గట్టిగా నీళ్లులేకుండా పిండేయాలి. ఆపై వీటిని చిల్లుల ప్లేటులో వేసి నీళ్లు లేకుండా ఆరనివ్వాలి. పేపర్‌కర్చీఫ్‌తో మిగిలిన తడిని కూడా అద్దేసి కాసేపు ఆరనివ్వాలి.
బాణలిలో నూనె మరుగుతుండగా ఆరబెట్టిన బంగాళాదుంప ముక్కలను వేసి కరకరలాడేలా వేయించి తీసేయాలి. అదే బాణలిలో నూనె అంతటినీ వంపివేసి, అందులో ఎండుమిర్చి, వెల్లుల్లిలను వేయించాలి. ఆపై స్టవ్‌పై మరో బాణలిపెట్టి అందులో మినప్పపు, సెనగపప్పు, జీలకర్ర వేసి నూనె లేకుండా వేయించి చల్లారబెట్టి మిక్సీలో వేసి మెత్తగా నూరాలి. ఇందులో వేయించిన ఎండుమిర్చి, వెల్లుల్లిలను కూడా వేసి నూరాలి.
ఇప్పుడు ముక్కలు వేయించిన బాణలిలోనే ఓ టీస్పూను నూనె వేసి కరివేపాకు, కొత్తిమీర తురుము వేయాలి. అవి వేగాక పొటాటో స్టిక్స్, పప్పులపొడి, తగినంత ఉప్పు చల్లి కలియబెట్టి సర్వ్ చేయాలి. అంతే పొటాటో స్టిక్స్ రెడీ.. వీటిని చిన్నపిల్లలు చాలా ఇష్టంగా తింటారు. ో
