లో ఫ్యాట్ లో కార్బ్ "జాక్ఫ్రూట్ మసాలా బాల్స్"
కావలసిన పదార్థాలు :ఉడికించి నలిపి ఉంచుకున్న పనస (జాక్ఫ్రూట్) ముక్కలు.. అర కప్పుఉడికించి నలిపి ఉంచిన బంగాళాదుంప ముక్కలు.. అర కప్పుబరకగా నూరిన వేరుశెనగ గింజల పొడి.. 1 టీ.ఉల్లిపాయ తరుగు.. అరర కప్పుఅల్లం వెల్లుల్లి పేస్ట్.. ఒక టీ.స్కిమ్‌డ్ మిల్క్.. అర కప్పుపసుపుపొడి.. ఒక టీ.బ్లాక్ పెప్పర్ పొడి.. ఒక టీ.జీలకర్ర పొడి.. ఒక టీ.ధనియాలపొడి.. ఒక టీ.కొత్తిమీర తరుగు.. ఒక టీ.నూనె.. ఒక టీ.పచ్చిమిర్చి తరుగు.. ఒకటిఉప్పు.. తగినంతతయారీ విధానం :ఒక నాన్‌స్టిక్ పెనం తీసుకుని అందులో నూనె వేసి వేడి చేయాలి. అందులో బ్లాక్ పెప్పర్, ధనియాలపొడి, జీలకర్ర పొడులు, పచ్చిమిర్చి, ఉల్లిపాయ తరుగులను వేసి వేయించాలి. ఉల్లిపాయలు బాగా వేగిన తరువాత అందులో అల్లం వెల్లుల్లి పేస్ట్ వేసి బాగా కలియబెట్టాలి. ఇందులోనే వేరుశెనగ గింజల పొడి, పసుపుపొడి, తగినంత ఉప్పువేసి బాగా కలిపి వేయించాలి. తరువాత దానికి పనస, బంగాళాదుంపల మిశ్రమాలను చేర్చి బాగా కలిపి వేయించాలి.చివరగా స్కిమ్‌డ్ మిల్క్ చేర్చి బాగా కలిపి అవి ఇగిరేంతదాకా సన్నటి మంటపై ఉడికించాలి. మిశ్రమం అంతా దగ్గర పడ్డాక కొత్తిమీర తరుగును వేసి బాగా కలిపాలి. ఇప్పుడు ఈ మిశ్రమాన్ని కిందికి దించి చల్లారిన తరువాత ఉండలుగా చుట్టి, టొమోటో చట్నీ లేదా జామ్‌తో కలిసి సర్వ్ చేయాలి. అంతే రుచికరమైన జాక్ఫ్రూట్ పొటాటో బాల్స్ రెడీ. తక్కువ నూనెతో తయారయ్యే ఇవి తక్కువ కొవ్వును కలిగి ఉంటాయి. ముఖ్యంగా డైటింగ్ చేసేవారికి ఇవి బాగా తోడ్పడతాయి.
