దానిమ్మ, పాల మీగడతో మృదువైన పెదవులు సొంతం చేసుకోండని బ్యూటీషన్లు అంటున్నారు. దానిమ్మ రంగులా పెదవులు అదే ఎరుపు రంగును సంతరించుకోవాలంటే.. దానిమ్మ విత్తనాలను ఒక బౌల్ లో తీసుకుని మెదపండి. దానిని పాల మీగడతో కలిపి ఆ మిశ్రమాన్ని పెదాలపై ప్యాక్‌లా వేసుకుని.. కాసేపయ్యాక కడిగేయండి.. ఇలా రోజూ చేస్తే గులాబీ రేకుల్లాంటి పెదవుల్ని పొందవచ్చు.
అలాగే పాలలో కొన్ని గులాబీ రేకులను నానబెట్టండి, తరువాత దానిని పేస్ట్‌లా చేయండి. తేనె, గ్లిజరిన్‌ని కూడా కలపవచ్చు. ఈ మిశ్రమాన్ని పెదాలపై పూతలా వేసుకుని.. కొద్ది పాలతో మసాజ్ చేయండి. ఈ విధంగా వారానికి నాలుగు సార్లు చేస్తే పెదవులు మృదువుగా తయారవుతాయి. సహజమైన గులాబీ రేకుల్లాంటి పెదవులను పొందాలంటే నిద్రించే ముందు కాస్త బీట్రూట్ రసాన్ని పెదవులపై రాస్తే మంచి ఫలితం ఉంటుంది.
