కాలమేదైనా చర్మ సంరక్షణలు జాగ్రత్తగా పాటించాల్సి ఉంటుంది. ప్రధానంగా మొహంలో అత్యంత సున్నిత భాగాలైన పెదాలు, కళ్ళ విషయంలో ప్రత్యేక శ్రద్ధ తీసుకోవాల్సి ఉంటుంది. వేసవి కాలంలో పెదాలు ఎండిపోయినట్టు కనిపించి పగిలి పోతాయి. ఈ సమస్య శీతాకాలంలో ఎక్కువగా ఉంటుంది. దీనికి ప్రధాన కారణంగా పెదాలు తొందరగా పొడిబారడమే. ఎన్ని లోషన్స్ రాసినా కొద్దిసేపటికే పొడిబారిపోతాయి.
అందువల్ల కాలంతో పనిలేకుండా మీ పెదాలు నునుపుగా మెరిసిపోతూ ఉండాలంటే ఏం చేయాలో నిపుణులు కొన్ని సలహాలు చెపుతున్నారు. అంవేంటో పరిశీలిద్దాం. పెదాలలో నూనె గ్రంధులు లేకపోవడం వల్ల తొందరగా చిట్లిపోవడం, పొడిబారడం జరుగుతుంది. తేమగా ఉండటానికి కావాల్సినంత మాయిశ్చరైజర్‌ను పెదాలకు ఆరకుండా రాస్తూ ఉండాలి.
అలాగే, ప్రతిరోజూ పడుకునేముందు లిప్‌స్టిక్‌ను తప్పనిసరిగా తీసేయాలి. వెన్నతో పెదాలను మృదువుగా మసాజ్ చేయాలి. ఎప్పుడూ పెదాలను పొడిగా వదిలేయకుండా, నాణ్యత కలిగిన లిప్ లోషన్ తీసుకుని తరచూ పెదాలకు అప్లై చేస్తుండాలి. పెదాలు ఆరోగ్యంగా ఉండటానికి బి విటమిన్ ఉపయోగపడుతుంది. వివిధ రూపాల్లో బి విటమిన్ తీసుకోవడం వల్ల పెదాలు చిట్లకుండా ఆరోగ్యంగా, అందంగా ఉంటాయి. బ్లాక్ టీ బ్యాగ్‌ను గోరు నీటిలో ముంచి రెండు మూడు నిమిషాల పాటు దానిని పెదాలపై నెమ్మదిగా అద్దండి. ఇది పెదాలలో తేమను పెంచుతుంది.
