నేను పురోభివృద్ధిని ఎప్పుడు సాధిస్తాను...?
లండన్ నుంచి టి. వెంకట్ ప్రశ్నకు డాక్టర్ రామన్ సలహా: మీరు అమావాస్య బుధవారం తులా లగ్నము హస్త నక్షత్రం కన్యారాశి నందు జన్మించారు. మీకు 2015 వరకూ ఏలినాటి శనిదోషం ఉన్నది. ప్రతి శనిత్రయోదశికి శనికి తైలాభిషేకం చేయించండి. మీకు 2008 నుంచి గురు మహర్దశ ప్రారంభమైంది. ఈ బృహస్పతి భాగ్యమునందు ఉండటం వల్ల 2010 నుంచి యోగాన్ని ఇస్తాడు. డ్రైవింగ్ టెస్ట్ లోనూ, ఉద్యోగ విషయాలలో ఓర్పు, నేర్పు అవసరం. 2010 మే నుంచి నెమ్మదిగా పురోభివృద్ధి సాధిస్తారు. లక్ష్మీనారాయణుడిని ఆరాధించండి. మీ సంకల్పం సిద్ధిస్తుంది.
