పట్టిసీమ ఎత్తిపోతల పథకాన్ని తాము పూర్తిగా వ్యతిరేకిస్తున్నామని వైసీపీ అధ్యక్షుడు వైఎస్‌ జగన్మోహన్‌ రెడ్డి చెప్పారు. గతంలో జరిగిన అసెంబ్లీ సమావేశాలలో కూడా స్పష్టం చేశామని అన్నారు. పట్టిసీమలో స్టోరేజీ లేదని చెప్పారు. గురువారం అసెంబ్లీలో ఈ విషయాన్ని వెల్లడించారు.
పట్టిసీమ కోసం రూ.1100 కోట్లకు టెండర్లు పిలిచారన్నారని పేర్కొన్నారు. ఈ టెండర్లలో 21.9 శాతం ఎక్కువ వేశారని వెల్లడించారు. సెలక్టివ్‌ టెండరింగ్‌ ప్రాసెస్‌ జరిగిందని, రూ.350 కోట్లు ఎక్కువకు కోట్‌చేశారని ఆరోపించారు. పైపులు, పంప్‌లు తగ్గితే ధర తగ్గదా? అని ప్రశ్నించారు. పట్టిసీమ ప్రాజక్టు.. గోదావరి జల వివాదాల ట్రిబ్యునల్‌ పరిధిలోకి వెళ్తుందన్నారు.
