ట్విట్టర్ నుంచి కొత్త గ్రూప్ చాట్, వీడియో ఫీచర్స్ లాంఛ్ వేసింది. సోషల్ నెట్‌వర్కింగ్ సైట్ కొత్త గ్రూప్ చాట్, వీడియో ఫీచర్స్ ద్వారా ఒకేసారి పలువురికి సందేశం పంపే అవకాశం ఉంటుంది. దీని ద్వారా మనల్ని ఫాలో అవుతున్న ఎవరితోనైనా సంభాషించవచ్చు.
అలాగే స్మార్ట్ ఫోన్లలో వీడియోలను చాలా తేలికగా క్యాప్చర్ చేసుకోవడం, ఎడిట్ చేయడం, వీడియోలను షేర్ చేసుకునేందుకు ట్విట్టర్ అప్లికేషన్‌లో మార్పులు తీసుకొచ్చింది. దాంతో, 30 సెకన్లు లేదా అంతకంటే తక్కువ నిడివి ఉన్న వీడియోలను కూడా షేర్ చేసుకోవచ్చు. వచ్చే కొన్ని వారాల్లో ట్విట్టర్ వినియోగదారులందరికీ ఈ కొత్త ఫీచర్లు అందుబాటులోకి రానున్నాయి.
