జగన్ మోహన్ రెడ్డి గ్రాఫ్ డౌన్.... ఓడితే మెడలో చెప్పులేసుకుని తిరుగుతా... జలీల్ ఖాన్

వైసీపీ నుంచి జంప్ చేసి తెలుగుదేశం పార్టీలో చేరిన విజయవాడ వెస్ట్ నియోజకవర్గం ఎమ్మెల్యే జలీల్ ఖాన్ వైఎస్ జగన్ మోహన్ రెడ్డి గురించి మాట్లాడారు. తను తెలుగుదేశం పార్టీలో చేరడానికి కారణం జగన్ మోహన్ రెడ్డికి ప్రజల్లో ఆదరణ తగ్గిపోవడమేననీ, ఆయన గ్రాఫ్ క్రమంగా

వైసీపీ నుంచి జంప్ చేసి తెలుగుదేశం పార్టీలో చేరిన విజయవాడ వెస్ట్ నియోజకవర్గం ఎమ్మెల్యే జలీల్ ఖాన్ వైఎస్ జగన్ మోహన్ రెడ్డి గురించి మాట్లాడారు. తను తెలుగుదేశం పార్టీలో చేరడానికి కారణం జగన్ మోహన్ రెడ్డికి ప్రజల్లో ఆదరణ తగ్గిపోవడమేననీ, ఆయన గ్రాఫ్ క్రమంగా ప్రజల్లో పడిపోతుందని చెప్పారు. ఈ కారణంగానే తెలుగుదేశం పార్టీలో చేరినట్లు వెల్లడించారు. 

కేవలం మంత్రి పదవి కోసం తెదేపాలో చేరానని ఎవరైనా చెబితే అది అవాస్తవమని చెప్పుకొచ్చారు. కేవలం జగన్ గ్రాఫ్ పడిపోతుందన్న కారణంగానే తెదేపాలో చేరినట్లు వెల్లడించారు. వైసీపీ టికెట్ పైన గెలిచి తెదేపాలో చేరడంపై సవాల్ విసిరేవాళ్లకు ఓ సమాధానమిస్తానని చెప్పిన ఆయన.... ఇప్పటికిప్పుడు ఎమ్మెల్యే పదవికి రాజీనామా చేసి తెదేపా టిక్కెట్ పైన పోటీ చేసి గెలుస్తానని ధీమా వ్యక్తం చేశారు. 

ఒకవేళ ఓడిపోతే మెడలో చెప్పులు దండ వేసుకుని బజార్లో తిరుగుతానని అన్నారు. ప్లైఓవర్ కాంట్రాక్టుల్లో నాకు భాగముందంటూ ఆరోపిస్తున్న వైసీపీ నేతలు తను తెదేపా నుంచి పోటీ చేసి గెలుపొందితే పార్టీని మూసేస్తారా అని సవాల్ విసిరారు.