ఛాలెంజ్.. ఛాలెంజ్.. ఛాలెంజ్.. నేను టీఆర్‌ఎస్ నాయకులతో కలసి ఓ హోటల్లో కలసినట్లు నిరూపిస్తే రాజీనామా చేయడానికి సిద్ధంగా ఉన్నానని ఆంధ్రప్రదేశ్ రాష్ట్ర ప్రతిపక్ష నాయకుడు జగన్మోహన్ రెడ్డి సవాల్ విసిరారు. మరి నిరూపించలేకపోతే, రాజీనామా చేయడానికి చంద్రబాబు సిద్ధమా..! అని డిమాండ్ చేశారు.
ప్రత్యేకహోదాపై జరుగుతున్న చర్చలో భాగంగా జగన్ మాట్లాడుతున్న సందర్భంగా మంత్రి అచ్చెన్నాయుడు మాట్లాడుతూ, తెలంగాణ ముఖ్యమంత్రి కేసీఆర్‌తో కలసి జగన్ కుట్రపన్నారని తన దగ్గర ఆధారాలున్నాయని మాట్లాడారు. ఓ హోటల్లో హరీష్ రావు, స్టీఫెన్‌సన్ కలసి చర్చలు జరిపారని ఆరోపించారు. దీనిపై జగన్ స్పందించారు.
ఛాలెంజ్ చేస్తున్నట్లు ప్రకటించారు. నిరూపిస్తే తాను రాజీనామా చేస్తానని ప్రకటించారు. నిరూపించలేకపోతే చంద్రబాబు రాజీనామా చేస్తారా అని ప్రశ్నించారు.
